Jemqorlyǵy úshin sottalǵan BQO ákiminiń burynǵy orynbasary apellıatsııalyq shaǵym túsirdi

Jemqorlyǵy úshin sottalǵan BQO ákiminiń burynǵy birinshi orynbasary Erjan Baltaev apellıatsııalyq shaǵym túsirdi, dep habarlaıdy QazAqparat tilshisi.

BQO sotynyń baspasóz qyzmetinen málim etkendeı, E.Baltaevtyń advokaty Tamara Sársenovadan shaǵym túsken.

«Atalǵan is apellıatsııalyq sot satysynda qaralatyn bolady. Sot talqysy ázirge taǵaıyndalǵan joq», - dep habarlady vedomstvodan.

Eske sala keteıik, budan buryn BQO ákiminiń birinshi orynbasary Erjan Baltaevtyń qyzmetinen ketkenin jazǵan bolatynbyz.

Keıin ol qyzmet babyn asyra paıdalanǵany úshin sot úkimimen aıypty dep tanylyp, 8,6 mln teńge kóleminde aıyppul salyndy.

Sonymen qatar E.Baltaev memlekettik qyzmet atqarý quqyǵynan ómir boıyna aıyryldy.