Jemqorlyqty qabyldaý ındeksi boıynsha elimiz neshinshi orynda

ASTANA. KAZINFORM — Transparency International «Sybaılas jemqorlyqty qabyldaý ındeksi» halyqaralyq reıtınginde 2024 jyly Qazaqstan nátıjelerin taǵy da jaqsartty.

— Bizdiń elimiz 40 upaı jınap, 180 el arasynda 5 orynǵa kóterildi (88 oryn). Bul sybaılas jemqorlyqqa qarsy keshendi sharalardyń arqasynda qol jetkizilgen jańa tarıhı kórsetkish, — delingen Antıkor habarlamasynda.

Álem boıynsha ortasha ball 43, al «Shyǵys Eýropa jáne Ortalyq Azııa» aımaǵynda (19 el) 35 boldy.

Qazaqstan reıtınginiń 2016 jyldan bastap aıtarlyqtaı ósken el retinde atap ótildi — 11 ballǵa (29 balldan) ósý.

Ortalyq Azııa óńiri elderiniń ishinde Qazaqstan eń joǵary pozıtsııany ıelenedi jáne reıtıngti jaqsartqan jalǵyz el.

Indekste Qazaqstannan keıin Úndistan (38), Indonezııa (37), Argentına (37), Serbııa (35), Ýkraına (35), Brazılııa (34), Taıland (34), Túrkııa (34), Belarýs (33), Reseı (22) jáne t. b. elder ornalasqan.

Jemqorlyqty qabyldaý ındeksi — Qazaqstannyń reıtıngin shyǵarý úshin 9 túrli uıymnyń derekteri paıdalanylǵan kompozıttik ındeks.

Reıtıng memlekettik sektordaǵy sybaılas jemqorlyqty qabyldaýdyń saraptamalyq jáne bıznes-baǵalaýlaryna negizdelgen.

Osyǵan deıin sheneýnikterdiń tabys deklaratsııasyn jarııalaý máselesin antıkor retteıtini belgili boldy.