Jemqorlyqpen kúres: Tegin dári-dármekterdi berý júıesine ózgeris engiziledi

ASTANA. KAZINFORM - Abaı oblysynda densaýlyq saqtaý salasyna júrgizilgen jemqorlyq táýekelderine syrtqy taldaý barysynda (2024 j.) biryńǵaı dıstrıbıýtor – «SK-Farmatsııa» JShS-nyń medıtsınalyq preparattardy ýaqytyly jetkizbeý faktileri anyqtaldy.

QR Sybaılas jemqorlyqqa qarsy isqımyla agenttigi baspasóz qyzmetiniń abarlaýynsha, bul tájirıbe tegin dári-dármekterdiń jetispeýshiligine jáne patsıentterdiń olardy óz qarajatyna satyp alýyna alyp keldi.

Medıtsınalyq mekemelerde naqty jaǵdaıdy jasyrý úshin «jalǵan retseptter» jazylǵan. Qujattarǵa sáıkes patsıentter dári-dármektermen tolyq qamtamasyz etilgen.

Taldaý qorytyndysy boıynsha Abaı oblysynyń barlyq emhanalarynda EGOV Mobile qosymshasynyń «Áleýmettik ámın» bóliminde QR-kod arqyly patsıentterge tegin dári-dármek berý júıesi engizildi.

Qazirgi ýaqytta bul dári-dármekterdi alýdyń balama ádisi, ol qazirdiń ózinde oń nátıje kórsetýde.

QR-kod arqyly patsıentterge tegin dári-dármek berý jónindegi joba pılottyq rejımde iske qosyldy jáne qorytyndysy boıynsha ony barlyq respýblıka boıynsha masshtabtaý josparlanýda.

2024 jyly patsıentter sanynyń 14%-ǵa ósýine qaramastan (2023 j. – 77,6 myń, 2024 j. – 88,8 myń), Abaı oblysynda jazylǵan retseptter sanynyń 24,8 myńǵa tómendeýi baıqalady (2023 j. – 707,6 myń retsept, 2024 j. - 682,4 myń retsept).

- Zamanaýı tsıfrlyq sheshimderdi engizý jalǵan retseptterdi shyǵarý, dári-dármekterdi jymqyrý qaýpin edáýir azaıtyp, bıýdjet qarajatyn únemdeıdi, - delingen habarlamada.

Osyǵan deıin «Áleýmettik ámııan» servısiniń kómegimen 560 myńnan astam dári-dármek tegin berilgeni týraly jazdyq.