Jemqorlyqqa qarsy is-qımyl agenttigi 60 adamdy izdestirip jatyr
ASTANA. KAZINFORM – QR Sybaılas jemqorlyqqa qarsy is-qımyl agenttigi tóraǵasynyń orynbasary Darhan Quraqbaev 2022 jyldan beri izdeý jarııalanǵan kúdiktilerdi anyqtaý jumystaryna túsinik berdi.

- 2022 jyldan beri 129 adam izdestirilip, onyń 70-i anyqtaldy. Keıbiri boıynsha isti tergeý jalǵasyp jatyr, sondaı-aq keıbireýlerine qatysty sot úkimi shyqty. Ekstradıtsııalaý baǵytynda 8 adam ekstradıtsııalandy. 2022 jyldan bastap qazirgi deıin bizde 60 adam qaldy. Olardy anyqtaý is-sharalaryn júzege asyryp jatyrmyz, - dedi D. Quraqbaev Senatta tilshiler suraǵyna jaýap bere otyryp.
Buǵan deıin QR Sybaılas jemqorlyqqa qarsy is-qımyl agenttigi tóraǵasynyń orynbasary Darhan Quraqbaev kúdikke ilingen Arǵyn Nyǵmatýlındi izdeý jumystaryna qatysty túsinik berdi.