Jemqorlyq jasaǵan TJM laýazymdy tulǵalary sottaldy

Qazaqstan Respýblıkasy Áskerı sotynyń apellıatsııalyq alqasy Almaty qalasy Tótenshe jaǵdaılar departamentiniń bastyǵy, polkovnık R. Qasybaevqa úkim shyǵardy, dep habarlaıdy QazAqparat. 

Sottalýshy merdiger uıymǵa naqty oryndalmaǵan jumys kólemi úshin eńbekaqynyń tolyq qunyn zańsyz tólegen jáne tehnıkalyq qadaǵalaýdyń oń qorytyndysynsyz qalanyń órt sóndirý bólimderiniń birin paıdalanýǵa qabyldaǵan.

Ol bılikti teris paıdalanǵany úshin kináli dep tanylyp, úsh jylǵa bas bostandyǵynan jáne ómir boıy memlekettik qyzmet atqarý quqyǵynan aıyryldy.

Qyzylorda oblysynda TJM Ónerkásiptik qaýipsizdik departamenti basshysynyń orynbasary B. Stamqulovqa qatysty úkim shyqty.

Stamqulov N.Orazbahovtan deldal A.Atajanov arqyly jetkizýshini tańdaý kezinde artyqshylyq kórsetkeni jáne gaz toltyrý pýnktteri boıynsha jobalyq qujattarǵa kedergisiz qol qoıǵany úshin 500 myń teńge somasynda para alǵan dep tanyldy.

Sonymen qatar, Stamqulov laýazymdyq ókilettikterin teris paıdalaný arqyly QR TJM laýazymdy tulǵalaryna kezdesýler men bos ýaqytty uıymdastyrý syltaýymen óziniń baǵynysty 4 qyzmetkeriniń 100 000 teńge somasyndaǵy aqshalaı qarajatyn ıelengen.

Oǵan 5 jyl bas bostandyǵynan aıyrý jazasy taǵaıyndaldy.

Osy úkimmen para berýshi N. Orazbahov 3 jyl merzimge, deldal A. Atajanov 1 jylǵa bas bostandyǵynan aıyryldy.

Sottalǵandarǵa memlekettik qyzmette, jergilikti ózin-ózi basqarý organdarynda, qarjy uıymdarynda jáne kvazımemlekettik sektorda basshylyq laýazymdarda jumys isteýge ómir boıy tyıym salynady.

Úkimder zańdy kúshine enbedi.