Jemqorlyq týraly habarlasańyz 15,7 mln teńge syıaqy alasyz: Antıkor WhatsApp chat-botyn iske qosty
ASTANA. KAZINFORM – Antıkor azamattarǵa arnalǵan WhatsApp chat-botyn iske qosty.
— Qazirgi tańda jemqorlyqqa qarsy tıimdi is-qımyl qoǵamnyń belsendi qatysýymen jáne qoldaýymen júzege asady. Sybaılas jemqorlyqqa qarsy mádenıetti jáne jemqorlyq kórinisterine nóldik tózimdilikti qalyptastyrý, sondaı-aq azamattyq belsendilikti arttyrý maqsatynda Sybaılas jemqorlyqqa qarsy qyzmet jemqorlyq faktileri týraly jedel habarlaý úshin jańa quraldy engizedi. Biz jańa Antıkor 1424 Whatsapp-chat-botynyń iske qosylǵanyn qýanyshpen habarlaımyz. Endi árbir azamat jemqorlyq faktileri týraly habarlaı alady nemese WhatsApp messendjeri arqyly sybaılas jemqorlyqqa qarsy is-qımyl máseleleri boıynsha keńes ala alady. Ol úshin 8 777 000 1424 nómirine habarlama jiberý jetkilikti, — delingen habarlamada.
Antıkor 1424 WhatsApp-chat-bot arqyly ne isteýge bolady?
✅ Sybaılas jemqorlyq faktileri týraly habarlaý
✅ Sybaılas jemqorlyqqa qarsy is-qımyl máseleleri boıynsha keńes alý
Sybaılas jemqorlyq quqyq buzýshylyqtar týraly shynaıy aqparat bergeni úshin 15,7 mln teńgege deıin syıaqy kózdelgen.
— Biz ótinishtiń tolyq qupııalylyǵyna kepildik beremiz. Barlyq habarlamalar mindetti túrde qaralady jáne quqyq buzýshylyqtar anyqtalǵan jaǵdaıda qoldanystaǵy zańnamaǵa sáıkes sharalar qabyldanady. Alaıda, sybaılas jemqorlyq týraly jalǵan habarlaý qylmystyq jaýaptylyqqa ákep soǵatynyn eske salamyz. Sybaılas jemqorlyqsyz qoǵamdy birge quraıyq! Sybaılas jemqorlyqqa qarsy kúreske qosylyńyz! Tek birlesken kúsh-jigermen biz adal jáne ádil qoǵam qura alamyz, — dep habarlady Sybaılas jemqorlyqqa qarsy is-qımyl Agenttiginen.
Eske sala keteıik, buǵan deıin Antıkor basshysy sheneýnikter sheshimdi qoryqpaı qabyldaý qajet ekenin aıtqanyn jazǵan bolatynbyz.