Jemqorlyq isi: basqarma basshysy Aıbol Qulbaev kýáger retinde jaýap berip jatyr

ASTANA. KAZINFORM – Jemqorlyq isin tergeý aıasynda Almaty oblysy dene shynyqtyrý jáne sport basqarmasynyń basshysy Aıbol Qulbaev kýáger retinde jaýap berip jatyr. Bul týraly QR Sybaılas jemqorlyqqa qarsy is-qımyl agenttigi tóraǵasynyń orynbasary Darhan Quraqbaev aıtty.

Buǵan deıin keıbir buqaralyq aqparat quraldarynda A. Qulbaevtyń ustalǵany týraly habarlaǵan edi. Alaıda agenttik basshysynyń orynbasary bul aqparatty joqqa shyǵardy.

- Bizge osy is boıynsha ótinish tústi. Negizi, ol sol jerde basshy bolǵan kezdegi vedomstvoǵa qatysty is tergelip jatyr. Buǵan deıin onyń ustalǵany týraly qaýeset tarap jatty, biraq biz bul aqparatty rastamaımyz. Ol mekemeniń basqa qyzmetkerlerimen birge tergeý is-qımyldaryna qatysyp júr. Biz sybaılas jemqorlyq isin tergep jatyrmyz. Tergeý áreketteriniń qorytyndysy boıynsha sheshim qabyldanady. Ol qorǵanýǵa quqyǵy bar kýáger retinde qatysyp júr, - dedi D. Quraqbaev Senatta tilshiler suraǵyna jaýap bere otyryp.

Eske salsaq, bıyl aqpan aıynda Almaty oblysy ákiminiń ókimimen Aıbol Qulbaev Almaty oblysy dene shynyqtyrý jáne sport basqarmasynyń basshysy laýazymyna taǵaıyndaldy.