Elimizdegi jemqorlyqtyń 80%-y memlekettik satyp alýmen baılanysty – Máýlen Áshimbaev
ASTANA. KAZINFORM – Jemqorlyq quqyq buzýshylyqtyń 80 paıyzy memlekettik satyp alý salasynda bolady. Bul týraly Senat tóraǵasy Máýlen Áshimbaev aıtty.
Onyń atap ótýinshe, jemqorlyq quqyq buzýshylyqtyń basym bóligi memlekettik satyp alýmen baılanysty bolyp otyr.
«Statıstıkalyq derekterdi saraptaý aıasynda elimizdegi jemqorlyq quqyq buzýshylyqtardyń 80 paıyzy memlekettik satyp alýmen baılanysty ekenin kórip otyrmyz. Osyǵan oraı, mundaı quqyq buzýshylyqtardy qysqartý úshin is bitken soń emes, aldyn oraı jumys isteıtin monıtorıng júıesi, baqylaý júıesi qajet. Eger depýtattar qoldap jatsa, onda bul Zań sondaı júıeni qurýǵa septigin tıgizedi dep oılaımyn», - dedi Senat spıkeri.
Aıta keteıik, búgin Senattyń jalpy otyrysynda «Memlekettik satyp alý týraly», «Qazaqstan Respýblıkasynyń keıbir zańnamalyq aktilerine satyp alý jáne artyq zańnamalyq reglamentteýdi bolǵyzbaý máseleleri boıynsha ózgerister men tolyqtyrýlar engizý týraly», «Qazaqstan Respýblıkasynyń Ákimshilik quqyq buzýshylyq týraly kodeksine ózgerister men tolyqtyrýlar engizý týraly» Qazaqstan Respýblıkasynyń Zańdary maquldandy.
