Jemqorlardy elden shyǵýǵa tyıym salý jaǵyn qarastyryp jatyrmyz — Antıkor

ASTANA. KAZINFORM — Qazaqstanda paramen ustalǵandardy, ıaǵnı jemqorlardy elden shyǵýǵa tyıym salý jaǵy qarastyrylyp jatyr.

Bul týraly Sybaılas jemqorlyqqa qarsy is-qımyl agenttiginiń resmı ókili Danııar Bıgaıdarov málim etti.

— Aıta keteıin, bul birinshi ret kóterilip jatqan suraq emes, bul bizde baıaǵydan beri talqylanýda. Bul bastama burynnan beri qarastyrylýda. Bul baǵyttaǵy jumys jalǵasýda, tıisti usynystar bar, — dedi Danııar Bıgaıdarov agenttikte ótken baspasóz máslıhaty barysynda.

Agenttik ókiliniń málimdeýinshe, paramen ustalǵandardy elden shyǵarmaý máselesi basqa da quzyrly organdarmen birlese qaralýda.

— Talqylaý nátıjesi kórsetedi. Bul baǵyttaǵy jumysty biz ǵana qabyldaı almaımyz, bul búkil memlekettik organ, apparat qabyldaýy tıis. Depýtattar qoldasa, árıne, engizilýi múmkin, — dep tolyqtyrdy ol.

Sondaı-aq Antıkor ókili jemqorlardy elden shyǵýǵa tyıym salý tájirıbesi shet memleketterde bar ekenin aıtty. 

Aıta ketsek, Ádilet mınıstrligi taıaýda zań jobasyna jemqorlardy shetelge shyǵarmaý týraly normany engizý máselesi qaralýy múmkin ekendigin aıtqan edi.

Odan bólek elimizde sybaılas jemqorlardyń jarııa tizilimi engiziletini aıtyldy.