Jemqorlardan qaıtarylǵan qarjyǵa 77 mektep salyndy

ASTANA. KAZINFORM – Jemqorlardan tárkilengen qarajat esebinen 86 myńnan astam oqýshy orny iske qosyldy. Bul týraly Oqý-aǵartý mınıstrliginiń baspasóz qyzmeti habarlady. 

Memleket basshysynyń tapsyrmasy boıynsha qurylǵan Bilim berý ınfraqurylymyn qoldaý qory jemqorlardan tárkilengen qarajat esebinen tolyqtyrylyp keledi. Mektepterde oryn jetispeýshiligi máselesin sheshý maqsatynda jańadan bilim berý uıymdaryn salý nemese jańǵyrtý, oǵan japsarlas qurylys salý júzege asyrylýda.

— Memleket balalar úshin jaıly ári qaýipsiz bilim berý ortasyn qalyptastyrýǵa erekshe kóńil bóledi. Búgingi tańda 86 myńnan astam oryndyq 77 mektep paıdalanýǵa berildi. Olardyń basym bóligi Almaty, Túrkistan, Qyzylorda, Jambyl oblystarynda jáne Astana qalasynda ornalasqan, — dedi Infraqurylymdy damytý departamentiniń basqarma basshysy Jaıyq Maqsutov.

Eske sala keteıik, qor qarajaty esebinen 100 myńǵa jýyq oqýshy oryndyq 89 mekteptiń qurylysy qarjylandyryldy. 

Aıta ketelik úsh aýysym máselesin sheshken jańa bilim modeli tanystyryldy.