Jemqorlardan alynǵan aqsha mektep qurylysyna jumsalady - Úkimet basshysy

TÚRKІSTAN. QazAqparat – Túrkistan oblysyn damytýǵa respýblıkalyq bıýdjetten 467 mlrd teńge qarajat bólingen. Óńirge jumys sapary aıasynda Premer-Mınıstr Álıhan Smaıylov keshendi áleýmettik-ekonomıkalyq damý máseleleri jóninde keńes ótkizip, bıýdjettiń tıimdi ıgerilýin qamtamasyz etýdi tapsyrdy. Bul týraly QazAqparat Úkimet basshysynyń baspasóz qyzmetine silteme jasap habarlaıdy.

Bıyl oblysty damytýǵa respýblıkalyq bıýdjette 367 mlrd teńgeden astam qarajat qarastyrylǵan. Bıýdjetti naqtylaý kezinde taǵy 100 mlrd teńge bólindi.

«Bul qarajat ınjenerlik ınfraqurylymdy damytýǵa, áleýmettik máselelerdi sheshýge jáne óńirdiń agroónerkásip keshenin qoldaýǵa baǵyttalǵan. Jyl sońyna deıin az ýaqyt qaldy, sondyqtan josparlanǵan nátıjelerge qol jetkizý úshin bıýdjet qarajatyn maqsatty jáne tıimdi paıdalanýdy qamtamasyz etý qajet»

, - dedi Álıhan Smaıylov.

Sonymen qatar, Úkimet basshysy Qoja Ahmet ıAsaýı kesenesiniń saqtalýyn qamtamasyz etý qajettigine nazar aýdardy. Premer-Mınıstr qazirgi ýaqytta kesene aınalasynda qarqyndy qurylys júrip jatqanyn, oǵan kelýshiler sany da edáýir artqanyn atap ótti. Osyǵan baılanysty ákimdik ıÝNESKO men basqa da halyqaralyq uıymdardyń usynymdaryn qatań saqtaýy kerek.

Azamattardyń ál-aýqatyn arttyrý úshin birinshi kezekte óńirdiń damýyna serpin beretin jańa ınvestıtsııalyq jobalardy iske qosý jóninde sharalar qabyldaý qajet. Máselen, bıyl oblysta 33 mlrd teńgege 29 jobany iske asyrý josparlanǵan. Budan bólek 1,9 trln teńgege taǵy 74 joba talqylanyp jatyr.

Sonymen birge, Premer-Mınıstr azyq-túlik tapshylyǵyna jáne baǵanyń negizsiz ósýine jol bermeý úshin barlyq qolda bar naryqtyq mehanızmderdi tıimdi paıdalaný, oblystyń ınfraqurylymy men agroónerkásip keshenin damytý boıynsha keshendi jumys júrgizý, sondaı-aq «Jaıly mektep» ulttyq jobasy boıynsha óńirdegi oqýshy oryndarynyń sanyn ulǵaıtý jóninde sharalar qabyldaý qajettigin atap kórsetti.

«Memleket basshysynyń tapsyrmasy boıynsha sybaılas jemqorlardan alynǵan qarajat endi mektepter men olarǵa qosymsha qurylystar salýǵa baǵyttalatyn bolady. Búgingi tańda respýblıka boıynsha 100 mlrd teńge týraly sóz bolyp otyr. Qarajat bólý qarasha aıynda bastalady»

, - dedi Premer-Mınıstr.

Foto: primeminister.kz