Jemqorlardan 120 mlrd teńge tárkilendi – qarjy mektep qurylysyna qalaı baǵyttalady
«Qazir bul shotqa shamamen 120 mıllıard teńge jınaqtalǵan. Osy oraıda Oqý-aǵartý mınıstrliginen ótinishter kútip otyrmyz. ıAǵnı, birinshi kezekte tıisti mektepter jóndeledi. Bul turǵyda úsh aýysymda oqytatyn mektepterge nazar aýdarylady. Óıtkeni olardy birinshi kezekte qamtý kerek. Sonymen qatar osyndaı mektepterdi keńeıtý úshin tıisti nysandardy salý qajet», - dedi E. Jamaýbaev Senatta tilshiler suraǵyna jaýap bere otyryp.
Onyń aıtýynsha, qazirgi kezde ótinimderdi qabyldaý protsesi júzege asyrylady.
«Tıisti tizim jasalǵannan keıin, ony respýblıkalyq bıýdjet komıssııasyna engizemiz. Osy is-sharalardan soń, qarajatty óńirlerge baǵyttaımyz», - dedi Qarjy mınıstri.
Buǵan buryn habarlanǵandaı, Prezıdenttiń tapsyrmasy boıynsha sybaılas jemqorlyq isteri aıasynda tárkilengen qarajat arnaıy shotta jınalady. Bul shot bilim berý ınfraqurylymyn qoldaýǵa baǵyttalǵan.
Úkimet basshysy Álıhan Smaıylov Qarjy mınıstrligindegi sybaılas jemqorlyqqa baılanysty bıýdjetten tys qordaǵy qarajatqa qatysty pikir bildirgen edi.
