Jemqorlar shartty túrde merziminen buryn bosatylmaıdy – Memleket basshysy

NUR-SULTAN. QazAqparat – Sybaılas jemqorlyq qylmysyn jasaǵandarǵa shartty túrde merziminen buryn bosatý sharasy qoldanylmaıdy. Bul týraly búgin Qazaqstan halqyna Joldaýyn jarııa etken QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Sybaılas jemqorlyqqa qatysty qylmys jasaǵandarǵa shartty túrde merziminen buryn bosatý sharasy qoldanylmaıdy. Jemqorlyqpen ustalǵandardyń memlekettik qyzmette jáne kvazmemlekettik sektorda jumys isteýine ómir boıyna tyıym salatyn qaǵıda qatań saqtalýy kerek. Biz sybaılas jemqorlyq derekteri týraly habarlaǵan adamdardy zań júzinde qorǵaıtyn júıe qalyptastyrýymyz qajet» dedi Memleket basshysy.