Jemqorlar qarajatyn qaıda jasyrsa da izdeımiz - Marat Ahmetjanov

NUR-SULTAN. QazAqparat – Jemqorlar qarajatyn qaıda jasyrsa da izdeımiz. Bul týraly QR Sybaılas jemqorlyqqa qarsy is-qımyl agenttiginiń tóraǵasy Marat Ahmetjanov aıtty, dep habarlaıdy QazAqparat tilshisi.

«Aıtalyq, elimizge birneshe mıllıard teńge shyǵyn ákelgen bir jemqordy qolǵa túsirdik delik. Ol kinásin moıyndap sottalady. Aıyppul tóleıdi nemese jazanyń basqa túrin alady. Osymen qylmystyq protsess aıaqtalyp, úkimdi oryndaý ǵana júredi. Al búgingi qarjylyq tergeý ınstıtýtynyń ereksheligi – bul parallel ınstıtýt. Onyń aıasynda atalǵan laýazymdy tulǵaǵa qatysty aıyptaý aıaqtalmaıdy. Qarjylyq tergeý júrgiziledi. Ol aqshasyn qaıda jasyrsa da izdeıtin bolamyz. ıAǵnı, másele barlyq urlanǵan qarajatty qaıtarý bolyp otyr», - dedi agenttik basshysy úkimettik emes uıymdar ókilderimen onlaın kezdesýde.

Onyń atap ótýinshe, sottalǵan laýazymdy shesheýniktiń zańsyz jolmen tapqan qarjysyn tolyq qaıtarý qolǵa alynady.

«Munyń barlyǵy qarjylyq tergeý aıasynda júrgiziledi. Qarajatty urlaý syzbasy anyqtalady. Onyń aldyn alý tıimdiligi bolady», - dedi Marat Ahmetjanov.