Jemqorlar aıyppuldyń basym bóligin tóledi - Joǵarǵy sot

ASTANA. QazAqparat - Joǵarǵy Sottyń qylmystyq ister jónindegi sot alqasynyń tóraǵasy Abaı Rahmetýlınniń aıtýynsha, ótken jyly sybaılas jemqorlyqqa qatysty qylmystyq ister boıynsha sot ókilderi 3 mlrd. teńgege jýyq aıyppul saldy, dep xabarlaıdy QazAqparat tilshisi.

«Búginde kúshine engen sot úkimderiniń 84 paıyzy oryndalyp, kináli azamattar ol aqshany bıýdjetke tólep berdi. Qalǵan soma boıynsha sot úkimderi áli kúshine engen joq», - dedi Raxmetýllın búgin Ortalyq kommýnıkatsııalar qyzmetinde ótken baspasóz máslıxatynda.

Aıta keteıik, ótken jyly Qazaqstan sottarynda qaralǵan qylmystyq isterdiń sany artty. Degenmen, búginde eki jaqtyń ymyraǵa kelip, qylmys jasaǵandardy jıi bosata bastady. Byltyr sotttarǵa túsken 16 529 qylmystyq is toqtatylyp, 18 854 adam jazadan qutyldy.

«Olardyń barlyǵy zardap shekken jaqpen ymyryǵa kelip, shyǵyndy tolyǵymen ótedi. Sóıtip, aqtaý úkimderiniń sany 19,2 paıyzǵa artyp otyr. Osynyń ózi sot tóreligin júzege asyrý barysynda adamdy qamaýǵa alý sharalarynyń azaıyp kele jatqanyn kórsetse kerek», - deıdi Raxmetýllın.