Jemister mıdyń qartaıýyn tejeıdi
ASTANA. 13 naýryz. QazAqparat - Bostondaǵy Taft ýnıversıtetiniń ǵalymdary qarajıdek, qoıbúldirgen, qarabúldirgen jáne basqa da jemister bas mıynyń jumysyn jaqsartyp, qartaıý saldarynan esinen aıyrylýdyń aldyn alatynyn málim etti, dep jazady Science Daily.
Jumys avtorlary - Barbara Shýkıtt-Heıl men Marshall Mıllerdiń aıtýynsha, jemisterdi kúndelikti tutyný mıdyń qartaıýyn tejeýge kómektesedi. Mamandar mundaı pikirge jemister qurylymyn jasýshalyq deńgeıde taldaý, sondaı-aq adamdar men janýarlarǵa jasalǵan tájirıbe nátıjesinde kelip otyr.
Jemisterdi paıdalaný mı jasýshalarynyń syrqatqa shaldyqpaýyna járdemdesedi. Óıtkeni jemisterde antıoksıdanttar deńgeıi joǵary, olar jasaýshalardy zaqymdanýdan saqtaıdy. Sonymen qatar jemisterde bas mıy jasýshalarynyń ózara árekettesýin ózgertetin zattar bar. Al bul bas mıy qabynýynyń, sonyń áserinen neırondardyń zaqymdanýynyń aldyn alady jáne egde jastaǵy adamdardyń ózderin sergeý ustaýyn jaqsartady.
Ǵalymdardyń zertteýi ACS' Journal of Agricultural and Food Chemistry jýrnalynda jarııalanǵan.
