Jemister men kókónisterdiń ornyn almastyratyn untaq oılap tabyldy
ASTANA. 23 qazan. QazAqparat - Shóp-shalamdy unatpaıtyndar úshin jaǵymdy jańalyq - Ispanııanyń Valensı qalasyndaǵy Polıtehnıkalyq ýnıversıtettiń ǵalymdary azyq-túlikterdi keptirip tońazytýdyń amalyn oılap tapty.
Onyń barysynda barlyq paıdaly qasıetterin saqtaı otyryp, azyq-túlikter untaqqa aınalady. Bul týraly The Daily Mail habarlady.
Mamandardyń aıtýynsha, atalmysh untaqty sútke nemese sýǵa qosyp, olardy kókónis nemese jemis shyrynyna aınaldyrýǵa bolady. Sondaı-aq olardy taǵamdardyń betine sebý úshin paıdalanýǵa bolady. Jobanyń barlyq qatysýshylary ǵalymdardyń ónertabysyna qatysty oń pikirlerin bildirdi. Óıtkeni endi kókónister men jemisterdiń bir táýliktik mólsherin (Dúnıejúzilik densaýlyq saqtaý uıymynyń usynymy boıynsha bir táýlikte tutyný normasy 400 gramdy quraıdy) alý anaǵurlym ońaılady. Onymen qosa olarda júrek aýrýlaryna, qant dıabetiniń ekinshi túrine, semizdik pen ınsýltke shaldyǵýdyń qaýpi azaıdy.
Zertteýler barysynda sarapshylar greıpfrýt, kıvı men búldirgendi untaqqa aınaldyrdy. Ózderiniń tańdaýlaryn ǵalymdar, olardyń quramynda kóp mólsherde sýdyń bolýymen jáne tez shirý úderisimen túsindirdi.
Avtorlardyń málimdeýinshe, 100 gramm jańa pisken greıpfrýttan 10-15 gramm untaqtalǵan greıpfrýtty alýǵa bolady. Oǵan 85 ml sýdy qosqanda onyń kólemi jarty greıpfrýttan shyǵatyn shyrynǵa teń bolady.
