Jemis-jıdek pen kókónisterden pıramıda turǵyzyldy
Ideıa avtorlarynyń aıtýynsha, Astananyń 20 jyldyǵyna oraı erekshe syı jasaý maqsatynda halyq arasynda «Astanamen sizdi ne baılanystyrady ?» degen saýalnama júrgizilgen.
Saýalnama nətıjesi boıynsha qala turǵyndary Astanany beıbitshilik pen kelisim ortalyǵy dep esepteıtindigi belgili boldy. Osyǵan oraı uıymdastyrýshylar jemis-jıdekter men kókónisterden pıramıda (Beıbitshilik pen kelisim saraıy sulbasy) jasaýdy uıǵarǵan.
«Installıatsııanyń sulbasyn jasaýǵa bir apta ýaqyt ketti, al jemis-jıdekter men kókónisterdi səndeýge 4 saǵat ýaqyt jumsaldy. Pıramıdany turǵyzýǵa barlyǵy 100 keliden asa jemis-jıdekter men kókónister jumsaldy jəne osy jumysqa 6 adam jumyldyryldy», dedi bas aspaz Artem Kantsev.
Onyń sózinshe, Qazaqstannyń ər óńirinde ózine tən ósetin jemis-jıdekter men kókónister bar.
«Biz solardan yntymaqtastyq pen kelisimdi bildiretin beıne jasadyq, odan bólek pıramıdanyń ústinde taıqazan ornalasqan. Al qazaq halqynda qazan aýyzbirshilik, molshylyqtyń belgisi sanalady», deıdi uıymdastyrýshylar.
Shara Astana qalasy Saryarqa aýdandyq ákimdiginiń qoldaýymen jəne «Qazaq gourmet» meıramhanasynyń uıymdastyrýymen Astananyń 20 jyldyǵyna arnalyp ótkizildi.
Kórsetilim sońy kontsertke ulasyp, jemis-jıdekter men kókónister jınalǵan qaýymǵa taratyldy.
