Jemis shyryndary densaýlyq úshin zııandy - ǵalymdar zertteýi
ASTANA. QazAqparat - Dıetologııa salasyndaǵy sarapshylar jemis shyryndarynyń densaýlyqqa áserin gazdandyrylǵan Sosa-Sola-ǵa teńedi, dep habarlady Medicinform.
Ǵalymdar shyryndy kúndelikti tamaqtaný ratsıonynyń bóligi emes, tátti taǵam dep sanaıdy. Mamandar mundaı sýsyndardy paıdaly azyq dep sanaýǵa bolmaıtynyn atap ótti.
Jańa zertteýdiń nátıjeleri Sosa-Sola-nyń 200 ml. portsııasynda bes shaı qasyq qant bolsa, keıbir jemis kokteılderinde qant mólsheri segiz shaı qasyqqa deıin bolýy múmkin ekenin kórsetken. Balalar úshin paıdaly sýsyndar retinde usynylatyn kokteılder men shyryndarda qant quramy kóp synǵa alynǵan Sosa-Sola-ǵa qaraǵanda 60 paıyzǵa joǵary.
Sarapshylar osyndaı sýsyndardyń balalar men olardyń ata-analaryna «paıdaly» dep satylatyny sumdyq dep sanaıdy. Jemis shyryny men kokteılder densaýlyqqa paıdaly, teńdestirilgen dıetanyń bóligi bolmaýy tıis.
Qazirde ǵylymı dáleldemelerde tátti sýsyndardy jıi tutyný deneniń salmaǵyna qaramastan dıabettiń 2 túriniń jáne júrek-qan tamyrlary aýrýlarynyń artý qaýpimen baılanysty ekeni jıi aıtylyp júr. Al basqa bir zertteýler qanttyń tuz qysymyna áser etetinin kórsetip otyr.
