Jem-shóp daıyndaýǵa qajetti jer kólemin keńeıtken jón - Memleket basshysy

NUR-SULTAN. QazAqparat – Egims alqaptaryna qatysty ǵaryshtyq monıtorıng jáne qashyqtan zondtaý múmkindigin keńinen paıdalaný kerek. Bul týraly Memleket basshysy Qasym-Jomart Toqaev Qazaqstan halqyna arnalǵan Joldaýyn jarııalaý kezinde málim etti, dep habarlaıdy QazAqparat.

«Aýa raıynyń qolsaısyzdyǵy mal sharýashylyǵyndaǵy túıtkildi máseleler bar ekenin kórsetti. Biz jedel shara qabyldap, jem-shóp tapshylyǵyna baılanysty ahýaldy rettedik. Degenmen, bul salada áli de júıeli jumys atqarý kerek. Jem-shóp daıyndaýǵa qajetti jer kólemin keńeıtken jón, sondaı-aq egis alqabyna ár jyly ártúrli daqyl egý talabyn saqtaý úshin tıisti baqylaýdy kúsheıtken abzal», - dedi Memleket basshysy.

Osy oraıda Prezıdent ǵaryshtyq monıtorıng jáne qashyqtan zondtaý múmkindigin keńinen paıdalaný kerek ekenin atap ótti.