Jem qalasyndaǵy burynǵy túrme áskerı bólimshege aınalady

AQTÓBE. QazAqparat - Jem qalasyndaǵy burynǵy qatań tártiptegi kolonııanyń aýmaǵyna QR Qorǵanys mınıstrliginiń áskerı bólimshesi ornalasady. Bul týraly oblys ákimi Ońdasyn Orazalın men vıtse-admıral Jandarbek Janzaqovtyń kezdesýinde aıtyldy, dep habarlaıdy QazAqparat tilshisi oblys ákiminiń baspasóz qyzmetine silteme jasap.

Aqtóbe oblysynyń ákimi Ońdasyn Orazalın Qazaqstan Respýblıkasy Qarýly kúshteriniń bas shtaby bastyǵynyń orynbasary, vıtse-admıral Jandarbek Janzaqovty qabyldap, birlese jumys isteýge ýaǵdalasty. ıAǵnı, Aqtóbe oblysy, Muǵaljar aýdany, Jem qalasyndaǵy burynǵy qatań tártiptegi kolonııanyń aýmaǵyna QR Qorǵanys mınıstrliginiń áskerı bólimshesin ornalastyrý máselesin talqylady. Oblys ákimi jergilikti atqarýshy organdar osy jobany júzege asyrýǵa barlyq qajetti qoldaýdy kórsetetinin atap ótti.

«Memleket qaýipsizdigin qamtamasyz etý - ortaq is. Sondyqtan Aqtóbe oblysynyń jergilikti atqarýshy organdary tarapynan jan-jaqty kómek kórsetiledi», - dedi Ońdasyn Orazalın.

Kezdesý sońynda Jem qalasyn damytý úshin birlesip kúsh jumsaýǵa kelisti.