Jeltoqsannyń sońyna deıin 9 zań jobasy Parlamentke engiziledi

ASTANA. QazAqparat – QR Ádilet mınıstri Qanat Mýsın Úkimettiń 2022 jylǵa arnalǵan zań jobalaý josparynyń oryndalý barysyn aıtyp berdi, dep habarlaıdy QazAqparat.

«Úkimettiń zań jobalaý jumystarynyń 2022 jylǵa arnalǵan jospary Parlament Májilisine 26 zań jobasyn ázirleýdi jáne engizýdi kózdedi, 4 zań jobasy Memleket basshysynyń tapsyrmalaryn jedel iske asyrýǵa baılanysty jyl ishinde jospardan alynyp tastaldy», - dedi mınıstr búgingi Úkimet otyrysynda.

Onyń aıtýynsha, jyl barysynda bul josparǵa Úkimettiń 6 qaýlysyna túzetýler engizildi.

9 zań jobasy boıynsha Ádilet mınıstrligine, Úkimet pen Parlamentke engizý merzimderi aýystyryldy. Bul – densaýlyq saqtaý, memlekettik qyzmet, jergilikti ózin-ózi basqarý, bloktyq bıýdjet, jylý energetıkasy jáne Salyq kodeksine ózgerister men tolyqtyrýlar engizý týraly zań jobalary.

«Qazirgi ýaqytta 22 zań jobasynyń tórteýine Memleket basshysy qol qoıdy, 9-y Parlamenttiń qaraýynda, bıylǵy jeltoqsan aıynyń sońyna deıin Úkimettiń qaraýyndaǵy 9 zań jobasyn Parlamentke engizý josparlanǵan. Ázirleýshi memlekettik organdardyń (Energetıka mınıstrligi, Eńbek mınıstrligi, Ulttyq ekonomıka mınıstrligi) aqparatyna sáıkes, Úkimettiń qaraýyndaǵy 9 zań jobasyn ýaqtyly engizý josparlanýda», - deıdi Qanat Mýsın.