Jeltoqsannyń basynan Úndistanda sýyqtan 100-ge jýyq adam kóz jumdy
ASTANA. 23 jeltoqsan. QazAqparat - Jeltoqsannyń basynan Úndistannyń soltústik jáne shyǵys aýdandarynda buryn-sońdy bolmaǵan sýyqtyń saldarynan 93 adam qaza tapty. Bul týraly ITAR-TASS agenttigi habarlaıdy.
Ýttar-Pradesh qalasynda osy ýaqytqa deıin sýyq tııýden 61 kóz jumǵan adam tirkeldi. Olardyń kóbisi - panasyz qalǵan qarttar men kedeıler.
Eldiń shyǵys shtaty Bıharda aýa raıy temperatýrasynyń kúrt tómendeýinen 25 jeltoqsanǵa deıin mekteptegi sabaqtar toqtatylǵan kórinedi. Kartıl aýdanynda osy el úshin óte sýyq bolyp tabylatyn aýa raıynyń temperatýrasy 12 gradýsqa deıin tómendegen. Shtattyń astanasy - Srınagorda bar joǵy nól gradýs, degenmen sý qatyp qalǵan. Nıý-Delı qalasynda aptanyń basynan ár tań saıyn bolatyn qalyń tuman kóliktiń qozǵalysyna kedergi keltirip tur. Sonymen birge, tumannyń kesirinen poıyzdardyń júrý kestesi ózgergen.
