Jeltoqsannyń 19-na arnalǵan aýa raıy boljamy
ASTANA. QazAqparat - Sınoptıkter jeltoqsannyń 19-na arnalǵan aýa raıy boljamyn jarııa etti, dep habarlaıdy QazAqparat «Qazgıdromet» RMK-nyń málimetterine silteme jasaı otyryp.
Kásiporyn taratqan málimetterge qaraǵanda Qazaqstanda aýa raıy áli de qubylmaly bolady. Respýblıkanyń basym bóliginde jaýyn-shashyn, tek elimizdiń batysy, soltústik-batysynda ǵana kún jaýyn-shashynsyz. Keı jerlerde tuman túsip, kóktaıǵaq, burqasyn bolyp, jel kúsheıedi.
Qyzylorda oblysynyń keı jerlerinde tuman túsip, kóktaıǵaq bolady. Tańerteń jáne kúndiz jeldiń jyldamdyǵy sekýndyna 15-20 metrge deıin jetedi.
Aqmola, Túrkistan, Jambyl oblystarynyń birqatar aýmaqtarynda tuman túsip, kóktaıǵaq, burqasyn bolady. Jeldiń jyldamdyǵy 15-20 m/s-ke deıin kúsheıýi múmkin. Qostanaı, Soltústik Qazaqstan, Pavlodar oblystarynyń keı jerlerinde tuman túsip, burqasyn bolyp, kúndiz jeldiń jyldamdyǵy sekýndyna 15-20 metrge jetedi.
Shyǵys Qazaqstan oblysynyń keı jerlerinde jaıaý burqasyn, joldarda kóktaıǵaq bolýy yqtımal. Jeldiń jyldamdyǵy sekýndyna 15-20 metrge jetedi. Almaty, Atyraý, Batys Qazaqstan, Aqtóbe, Qaraǵandy oblystarynyń keı jerlerine tuman túsedi.
Almaty oblysynyń birqatar aýmaqtarynda kóktaıǵaq bolady.
Kúndiz Qaraǵandy oblysynyń keı jerlerinde jeldiń jyldamdyǵy sekýndyna 18 metrge jetedi.
