Jeltoqsannyń 18-i kúngi aýa raıy boljamy
ASTANA. QazAqparat - Jeltoqsannyń 18-i kúni Qazaqstan aýmaǵynda aýa raıy qubylmaly bolady. Eldiń basym bóliginde jaýyn-shashyn bolady, tek batysta ǵana jaýyn bolmaıdy, dep habarlaıdy QazAqparat «Qazgıdromet» RMK-nyń málimetterine súıene otyryp.
Kásiporyn málimetterine qaraǵanda, respýblıkanyń birqatar aımaqtaryna tuman túsip, kóktaıǵaq, burqasyn bolady jáne jel kúsheıedi.
Jambyl oblysynyń keı jerlerinde tuman túsip, kóktaıǵaq, burqasyn bolady. Jeldiń jaldamdyǵy sekýndyna 15-20 metr bolady, túnde jáne tańerteń ekpini 23-28 m/s-qa deıin kúsheıedi.
Túrkistan oblysynyń keı jerlerinde tuman túsip, kóktaıǵaq bolady, jeldiń jyldamdyǵy sekýndyna 15-20 metrge jetedi, ekpini 25 m/s bolady.
Almaty oblysynyń keı jerlerinde tuman túsip, kóktaıǵaq bolady. Jel sekýndyna 17-22 m/s jyldamdyqpen uıtqıdy.
Qyzylorda oblysynyń keı jerlerinde tuman túsedi, kóktaıǵaq bolady. Túnde keı jerlerde jeldiń jyldamdyǵy sekýndyna 15-20 metrge deıin kúsheıedi.
Shyǵys Qazaqstan oblysynyń keı jerlerinde burqasyn, joldarynda kóktaıǵaq bolady, jel 15-20 m/s-qa deıin kúsheıedi.
Qostanaı, Soltústik Qazaqstan, Qaraǵandy oblystarynyń keı jerlerinde tuman túsýi yqtımal. Qostanaı, Soltústik Qazaqstan oblystarynda jaıaý burqasyn bolady.
Qaraǵandy oblysynda kóktaıǵaq bolady.
Aqmola, Batys Qazaqstan, Mańǵystaý, Aktóbe, Pavlodar oblystarynyń keı jerlerinde tuman túsedi.
