«Jeltoqsannyń 16 kúni» derekti fılmi jaryqqa shyǵady
ASTANA. QazAqparat - «Qazaqstan» Ulttyq telearnasy Táýelsizdik kúnine oraı arnaıy joba - «Jeltoqsannyń 16 kúni» atty derekti fılmdi daıyndady, dep habarlaıdy QazAqparat telearnanyń baspasóz qyzmetine silteme jasap.
Arhıv qujattary men naqty derekterge negizdelgen fılm elimizdiń tarıhı kezeńi - Qazaqstan Respýbıkasynyń Táýelsizdikke qol jetkizýine arqaý bolǵan, 1991 jyldyń jeltoqsanynda oryn alǵan saıası oqıǵalar týraly baıandaıdy.
QR Prezıdenti Nursultan Nazarbaev óziniń eksklıýzıvti suhbatynda KSRO men basqa da keńestik respýblıka basshylary arasyndaǵy qarym-qatynas, sol kezeńdegi negizgi oqıǵalar men Qazaqstannyń aldynda turǵan áleýmettik-ekonomıkalyq jáne ishki saıasattyń kúrdeli mindetteri týraly estelikterimen bólisti.
«Jeltoqsannyń 16 kúni» arnaıy jobasynyń jetekshisi - Aqparat jáne kommýnıkatsııalar mınıstri Dáýren Abaev, fılm avtory - «Qazaqstan» teleradıokorporatsııasynyń basqarma tóraǵasy Erlan Qarın, rejısseri - Dmıtrıı Bogomolov.
Aıta keteıik, derekti fılmniń tusaýy 18 jeltoqsan kúni 21:30-da «Qazaqstan» Ulttyq telearnasynda kesiledi.
