Jeltoqsannyń 1-nen bastap joǵary oktandy benzınniń baǵasy 82 teńgeden bolady - S.Myńbaev
A. Qarashanyń 26-sy. QazAqparat /Arman Asqarov/ - Aǵymdaǵy jyly jeltoqsannyń 1-nen bastap barlyq janar-jaǵarmaı stansylarynda joǵary oktandy benzınniń baǵasy 82 teńgeden bolmaq. Bul týraly búgin Úkimettiń selektorlyq keńesinde QR Energetıka jáne mıneraldyq resýrstar mınıstri Saýat Myńbaev málim etti,
dep habarlaıdy QazAqparat.
«Qazirgi kezde respýblıka boıynsha joǵary oktandy benzınniń baǵasy 88 teńge. Árıne, jeltoqsannyń 1-nen bastap keıbir janar-jaǵarmaı stansylary úshin osy sanattaǵy benzınniń baǵasy arzandaıdy. Al «Gelıos» úshin onyń baǵasy kerisinshe kóteriledi. Endi, 5 kúnnen keıin barlyq aımaqtarda joǵary oktandy benzınniń baǵasy 82 teńgeden bolmaq», dedi S.Myńbaev.
Mınıstr atap kórsetkendeı, búgingi tańda elimizde joǵary oktandy benzınniń tapshylyǵy 37,5 tonnany qurap otyr. Ony ımport arqyly óteý kózdelgen.
