Jeltoqsannan bastap «Astana-Býrabaı» avtomagıstrali aqyly bolýy múmkin
ASTANA. 25 qazan. QazAqparat - QR Kólik jáne kommýnıkatsııa mınıstrligi aǵymdaǵy jyldyń jeltoqsan aıynan bastap «Astana-Býrabaı» avtomagıstralin aqyly etýdi josparlap otyr.
Bul týraly búgin Avtokólik joldary komıtetiniń tóraǵasy Nurlanbek Ómirbaev jýrnalısterge bergen suhbatynda málim etti.
«Búgingi kúni jeltoqsan aıyna qaraı josparlanǵan aqyly avtojol boıynsha qajetti sharalar júrip jatyr», - dep atap ótti komıtet tóraǵasy. Onyń aıtýynsha, joldyń aqysy ázirshe árbir júrip ótilgen joldyń shaqyrymyna jeńil kólikter úshin 1 teńgeden, al júk mashınalary men avtobýstar úshin 5-ten 15 teńgege deıin belgilenýi múmkin. Budan bólek, jaqyn mańdaǵy óńirler turǵyndary men osy avtomagıstraldy jıi paıdalanatyndar úshin belgili bir jeńildikter qarastyrylǵan.
