Jeltoqsanda jańa Ekologııalyq kodeks Parlamentke engiziledi
NUR-SULTAN. QazAqparat – Úkimet otyrysynda QR Premer-Mınıstriniń orynbasary Jeńis Qasymbek jańa Ekologııalyq kodeks týraly aıtyp berdi, dep habarlaıdy QazAqparat tilshisi.
«Halyqaralyq standarttardy eskere otyryp, jańa Ekologııalyq kodekstiń jobasy ázirlendi. Kazirgi ýaqytta joba jurtshylyqpen jáne bıznes-qoǵamdastyqpen belsendi talqylaýdyń kezeńinen ótýde. Úzdik halyqaralyq tájirıbe eskerildi», - dedi J. Qasymbek.
Onyń sózine qaraǵanda, «Lastaýshy tóleıdi» qaǵıdaty boıynsha joǵary aqshalaı ótemaqy óndirip alýǵa negizdelgen qorshaǵan ortaǵa zııan keltirgeni úshin jaýapkershilik kúsheıtiletin bolady.
«Jańa ekokodeksti Parlamentke aǵymdaǵy jyldyń jeltoqsan aıynda engizý josparlanyp otyr», - dep naqtylady Úkimet basshysynyń orynbasary.
