Jeltoqsan aıynda turǵyn úı baǵasy qalaı qubyldy

ASTANA. KAZINFORM - Bir jylda (2024 jylǵy jeltoqsan 2023 jylǵy jeltoqsanǵa) páterlerdi qaıta satý baǵalary – 4,2%, jańa turǵyn úılerdi satý 3% ósti.

Ultyq statıstıka bıýrosynyń málimetterin qaraǵanda, abattandyrylǵan turǵyn úıdi jalǵa alý tólemi ótken jyly 7,9% joǵarylady.

Óńirler kesindisinde alǵashqy naryqta jyldyq máninde baǵa edáýir Aqtóbe qalasynda – 12,8%, Kókshetaý qalasynda – 10,1%, Taraz qalasynda 10% qymbattady. Qaıtalama naryqta baǵa ósiminiń lıderi – Atyraý qalasy (16,9%), Astana qalasy (12,9%), Qonaev qalasy (10,1%), turǵyn úıdi jalǵa alý naryǵynda – Taldyqorǵan qalasy (26,6%), Astana qalasy (25,8%), Shymkent qalasy (18,6%), Oral qalasy (16,8%), Petropavl qalasy (16,4%).

2024 jylǵy jeltoqsan aıynda turǵyn úıdi satyp alý-satý boıynsha 50 046 mámile tirkelgen, onyń ishinde jer úıler boıynsha 10 488 jáne kóppáterli úılerdegi páterler boıynsha 39 558 mámile jasaldy. 2024 jyldyń qarashasymen salystyrǵanda (39 421) turǵyn úıdi satyp alý-satý mámileleriniń sany 27%-ǵa ósti. Mámileler sany boıynsha Astana (9 911 – 19,8%) jáne Almaty (8 845 – 17,7%) qalalary, sonymen qatar, Qaraǵandy oblysy (3 638 – 7,3%) kósh bastap tur. Mámileler sany Ulytaý oblysynda eń az – 645 mámile (1,3%).

2024 jyldyń qarashasymen salystyrǵanda jeltoqsanda mámileler ósimi, Almaty oblysyn qospaǵanda, barlyq óńirlerde baıqalady, onda turǵyn úıdi satyp alý-satý mámileleriniń sany tek 0,2%-ǵa azaıǵan. Eń kóp ósim Qyzylorda (+70,2%), Jambyl (+45,3%) oblystarynda jáne Astana (+42,2%) qalasynda tirkeldi.

2024 jyldyń qarashasymen salystyrǵanda, kóppáterli úılerdegi turǵyn úı mámileler sany 26,6%-ǵa (8 302 mámilege) kóbeıdi. 2024 jyldyń jeltoqsan aıynda páterler boıynsha barlyǵy 39 558 mámile jasaldy, bul mámilelerdiń jalpy sanynyń 79%-y. Kóppáterli úılerdegi turǵyn úı saýdasynyń negizgi úlesi Astana (24,7%), Almaty (20,7%) qalalaryna jáne Qaraǵandy oblysyna (7,9%) tıesili. Bólmeler sany boıynsha 2-bólmeli páterler satylymy basym boldy, 2024 jyldyń jeltoqsan aıynda olar boıynsha 14 980 mámile resimdelgen.

2024 jyldyń qarasha aıymen salystyrǵanda, 2024 jyldyń jeltoqsanynda jeke turǵyn úıler boıynsha mámileler sany 28,5%-ǵa (2 323 mámilege) ósti. Jeltoqsanda barlyǵy 10 488 mámile tirkelgen. Jeke turǵyn úıler boıynsha mámileler sanynyń eń kóp ósimi Qyzylorda (+86,2%), Ulytaý (+64,9%) jáne Shyǵys Qazaqstan (+57,4%) oblystarynda baıqaldy. Jeke turǵyn úıler boıynsha mámileler sanynyń bir aıdaǵy tómendeýi tirkelmegen.

2024 jylǵy jeltoqsanda turǵyn úıdi satyp alý-satý mámileleri aldyńǵy jyldyń tıisti aıymen salystyrǵanda 32,3%-ǵa kóbeıgen, ol kezde 37 818 mámile resimdelgen bolatyn. Mámileler sanynyń eń joǵarǵy ósimi Pavlodar oblysynda (72,4%) baıqalady, eń úlken tómendeý – Túrkistan oblysynda (-13,9%). 2024 jyldyń qańtar-jeltoqsan aılaryndaǵy mámileler sanyn 2023 jylǵy qańtar-jeltoqsan aılaryndaǵy mámileler sanymen salystyrǵanda 16,8%-ǵa ósim baıqalady.

Osyǵan deıin Astanada zańsyz turǵyzylǵan turǵyn úı kesheni súriletini týraly jazdyq.