Jeltoqsanda «Qazaqmystyń» ekinshi peshi iske qosylady- Erlan Qoshanov
ASTANA. QazAqparat - 12 jeltoqsanda jylyna 600 mln dollar bolatyn eksporttyq paıda ákeler «Qazaqmystyń» ekinshi peshi iske qosylady, dep habarlaıdy QazAqparat tilshisi.
«Bizdiń oblys - elimizdegi jetekshi ındýstrııalyq aımaq bolyp qala beredi. Ónerkásip - Qaraǵandy oblysy ekonomıkasynyń jarty úlesin quraıdy. Bıyl ónerkásipti damytýda mańyzdy jetistikterdiń biri - Memleket basshysynyń tapsyrmasy boıynsha «Arselor Mıttal Temirtaý» jumysyn jańǵyrtý bolyp tabylady. Bul salaǵa salynǵan ınvestıtsııa úsh jyldyń ishinde 305 mlrd teńgege deıin ósti», - deıdi Erlan Qoshanov OKQ-da ótken baspasóz máslıhatynda.
Oblys basshysynyń aıtýyna qaraǵanda, ónerkásip salasyna salynǵan ınvestıtsııa qurylǵylardy jańartyp, metallýrgter men shahterlardyń aılyǵyn kóterýge, ekologııany jaqsartýǵa jol ashpaq.
«Qazaqmys» boıynsha óndiris qýattylyǵyn aıtarlyqtaı arttyrý kózdelip otyr. Jezqazǵandyq zaýyt kerek deseńizder, sońǵy on jyl boıy óziniń múmkindikteriniń jartysyn ǵana qoldanyp keledi. Mine, osy jyldyń 12 jeltoqsanynda biz ondaǵy ekinshi peshti iske qosqaly otyrmyz. Ol qosymsha 100 myń tonna mys óndirýge múmkindik beredi. Bul degenińiz - 600 mlrd dollar eksporttyq paıda degen sóz», - dedi Erlan Qoshanov.
Eske sala ketsek, atalmysh brıfıngte Erlan Qoshanov oblystaǵy týrızm salasyn órkendetý jumysy jáne Qaraǵandyny qalaısha mıllıon turǵyny bar aınaldyrý jumysy jumysy qalaı júrgizilip jatqanyn habarlaǵan edi.
