Jeltoqsanda elordaǵa shetelden kelgen jolaýshylardan koronavırýs tabylǵan joq

NUR-SULTAN. QazAqparat – Nur-Sultan qalasynyń bas memlekettik sanıtar dárigeri Sarhat Beısenova ózge elderden kelgen jolaýshylardan koronavırýs tabylmaǵanyn aıtty, dep habarlaıdy QazAqparat.

«Bizge bas memlekettik sanıtar dárigerdiń №51 qaýlysynda anyqtalǵan 10 elden kelgen barlyq jolaýshy týraly áýejaı qyzmetinen naqty málimetter kelip túsedi», - dedi Sarhat Beısenova ákimdikte ótken brıfıngte.

Spıkerdiń aıtýynsha, bul derekter Qoǵamdyq densaýlyq saqtaý basqarmasyna beriledi jáne ári qaraı aýmaqtyq emhanalarǵa tirkeledi.

«Árbir emhana óziniń aýmaqtyq bekitilýi boıynsha osy adamdardyń úı karantınin saqtaýyn baqylaýǵa alady. Ázirge 3 jeltoqsannan bastap osy elderden 227 adam keldi. Barlyq 227 adam tekserildi, báriniń PTR nátıjeleri teris, dese de olar úıdegi karantındi qatań saqtaýda», - dep qorytyndylady dáriger.