Jeltoqsanda elordada kúnkóristiń eń tómen deńgeıi 19 205 teńgeni qurady
ASTANA. 8 qańtar. QazAqparat - Astanada 2013 jylǵy jeltoqsanda halyqtyń ortasha jan basyna shaqqandaǵy kúnkóristiń eń tómen deńgeıi 19 205 teńgeni qurady.
Bul týraly astana.kz saıtyna Statıstıka departamentinen habarlady.
«Halyqtyń ortasha jan basyna shaqqandaǵy kúnkóristiń eń tómen deńgeıiniń shamasy 2013 jylǵy jeltoqsanda, negizgi azyq-túlikterdi tutynýdyń eń tómen mólsherinen alyp eseptegende, ótken aımen salystyrǵanda 1,6% artyp, 2012 jylǵy jeltoqsanmen salystyrǵanda 0,3% tómendedi»,- delingen habarlamada.
Aıta keteıik, onyń qurylymynda et pen balyqty satyp alýǵa jumsalǵan shyǵyndar úlesi 24,2%, sút, maı ónimderi men jumyrtqa 16,5%, jemister men kókónister 9,5%, nan men jarma ónimderi 8%, qant, shaı men qospalar 1,8% qurady.
