Jeltoqsanda «Baýyrjan Momyshuly» kórkem fılmi kórermenge jol tartady
ASTANA. 14 qazan. QazAqparat - Jeltoqsan aıynda «Baýyrjan Momyshuly» kórkem fılminiń birinshi bólimi «Habar» telearnasynda kórsetiledi, dep habarlady telearnanyń resmı portaly.
«Rejısser Aqan Sataev Baýyrjan Momyshuly týraly kórkem fılm túsirýde. Avtorlar kórermen nazaryna Keńes Odaǵy batyrynyń general Panfılovpen tanysyp, batalon komandıri bolǵan kezine deıingi tarıhı ómir jolyn usynbaq», - delingen habarlamada.
Fılm sıýjeti Aleksandr Bektiń «Volokolamsk tas joly» povesi negizinde órbıdi. «Volokolamsk tas jolynyń» jazylýyna Baýyrjan Momyshulynyń ózi tikeleı qatysqandyǵy belgili. Sondyqtan da, meniń oıymsha, fılmde barynsha shynaıy tarıh usynylatyn bolady», - dedi rejısser.
Basty rólde M.Áýezov atyndaǵy akademııalyq drama teatrdyń akteri Erkebulan Daıyrov oınaıdy. Al B.Momyshulynyń áıeliniń rólin elimizdegi tanymal aktrısa Ásel Saǵatova somdasa, general Panfılovtyń róline Vıktor Ashanın bekitilgen.
