Jeltoqsanda aýa raıy qandaı bolady – sınoptıkter boljamy

ASTANA. KAZINFORM – Jeltoqsan aıynda respýblıka boıynsha temperatýralyq fon klımattyq normaǵa jaqyn bolady, al jaýyn-shashyn mólsheri eldiń basym bóliginde normadan joǵary bolmaq. Bul týraly Qazgıdromet jarııalanǵan aýa raıy boljamynda aıtylǵan.

Jeltoqsanda Qazaqstannyń basym bóliginde qar, burqasyn, ekpindi jel, al ońtústik bóliginde jańbyr jáne qar aralas jańbyr, taýly jáne taý etegindegi aýdandarda qar jaýýy yqtımal. Eldiń batysy men ońtústiginde kóktaıǵaq bolyp, tuman túsedi.

«Qazgıdromet» RMK konsýltatıvtik boljamyna sáıkes, aıdyń birinshi onkúndiginde temperatýralyq fon kelesideı bólinedi:

* respýblıkanyń soltústiginde, ortalyǵynda jáne shyǵysynda túnde -10-18°S-tan -3-10°S-qa deıin, kúndiz 0, -8°S-tan -3+5°S-qa deıin aýytqýlar boljanǵan;

* respýblıkanyń ońtústigi men ońtústik-shyǵysynda túnde -5+5°S-tan -1-8°S-qa deıin, respýblıkanyń ońtústik-shyǵysyndaǵy taýly aımaqtarda temperatýranyń -10-15°S, kúndiz kúndiz -5+5°S-tan +5+12°S-qa deıin aýytqýy boljanǵan;

* respýblıkanyń batysynda aýanyń negizgi fondyq temperatýrasy túnde -1-8°C, Kaspıı teńizi jaǵalaýynda +3°C, kúndiz +1+8°C bolady. Onkúndiktiń sońynda aýa temperatýrasy kúndiz -5+3°S deıin tómendeıdi dep boljanýda.

Soltústik-batys jáne soltústik antıtsıklondar aýa temperatýrasynyń aıtarlyqtaı tómendeýine ákeletin kúnder de bolady.

Jeltoqsannyń ekinshi jáne úshinshi onkúndiginde aýa temperatýrasynyń aýytqýy jıi baıqalady.

Jalpy, jeltoqsan aıynda respýblıka boıynsha temperatýralyq fon klımattyq normaǵa jaqyn, jaýyn-shashyn mólsheri respýblıkanyń basym bóliginde normadan joǵary bolady dep boljanyp otyr.

Eske salsaq, buǵan deıin aldaǵy úsh kúnde aýa raıy qandaı bolatyndyǵy týraly habarlaǵan bolatynbyz.