Jeltoqsanda Astanada aýa raıy qandaı bolady

Elimizdiń Ulttyq gıdrometeorologııalyq qyzmeti jeltoqsan aıynda elordada aýa raıy qandaı bolatyndyǵyna qatysty boljamymen bólisti, dep habarlaıdy Kazinform.

Sınoptıkterdiń boljamyna sáıkes, jeltoqsandaǵy ortasha aılyq aýa temperatýrasy mınýs 10,2 gradýs bolady dep kútiledi. Bul normadan 1-2 gradýsqa joǵary.

Aıdyń alǵashqy 10 kúninde aýa temperatýrasy birtindep kóteriledi: túnde -5, -10 gradýstan -22, -27 gradýsqa deıin, kúndiz 0, -5 gradýstan -12, -15 gradýsqa deıin;

Ekinshi onkúndikte aýa temperatýrasynyń aýytqıtyndyǵy boljanady: túnde -5, -10 gradýstan -8, -13 graýdsqa deıin, kúndiz 0, -5 gradýstan -5, -10 gradýsqa deıin;

Úshinshi onkúndiktiń basynda aýa temperatýrasynyń tómendeýi kútiledi: túnde -17, -22, al kúndiz -13, -18 gradýsqa deıin. Odan keıin aýa temperatýrasy túnde -5, -10, al kúndiz 0, -5 gradýsqa deıin bolýy yqtımal.

Jeltoqsan aıynyń sońyna qaraı aýa temperatýrasy túnde -15, -20, kúndiz -7, -12 gradýsqa jetedi.

Jeltoqsan boıy qar jaýyp, boran turady, kóktaıǵaq bolady, jel ekpini sekýndyna 15-20 metrge jetýi yqtımal.