Jeltoqsanda Aqmola oblysynda burqasyn men kóktaıǵaq jıi bolady

Jeltoqsan aıynda Aqmola oblysynda burqasyn men kóktaıǵaq jıi bolady. Mundaı derekti Qazgıdromet usyndy, dep habarlaıdy Kazinform.

Mekeme málimetinshe, jeltoqsanda Aqmola oblysynda aýanyń ortasha aılyq temperatýrasy -9,8-12,2°S bolady. Bul normadan 1-2 gradýsqa (norma: -11,8-14,0°S) joǵary.

Birinshi onkúndikte aýa temperatýrasynyń túnde -27-32°S-tan, oblystyń ońtústiginde -22°S-tan -5-10°S-qa, oblystyń soltústiginde -15°S-qa deıin, kúndiz -17-22°S-tan, oblystyń ońtústiginde -12°S-tan 0,-5°S-qa deıin birtindep joǵarylaýy kútiledi.

Ekinshi onkúndikte aýa temperatýrasy túnde -5-10°S-tan, oblystyń soltústiginde -15°S-tan -13-18°S-qa, oblystyń ońtústiginde -8°S-qa deıin, kúndiz 0,-5°S-tan -5-10°S-qa deıin aýytqýy yqtımal.

Úshinshi onkúndiktiń basynda aýa temperatýrasy túnde -20-25°S-qa, oblystyń ońtústiginde -17°S-qa deıin, kúndiz -13-18°S-qa deıin tómendeýi boljanady. Sodan keıin aýa temperatýrasy túnde -5-10°S-qa deıin, kúndiz 0,-5°S-qa deıin joǵarylaýy kútiledi. Onkúndiktiń sońynda aýa temperatýrasynyń túnde -15-20°S-qa deıin, oblystyń soltústiginde -25°S-qa deıin, kúndiz -7-12°S deıin tómendeýi múmkin.

Jaýyn-shashynnyń aılyq mólsheri norma shamasynda kútiledi (norma: 14-30 mm). Qar, burqasyn, kóktaıǵaq, ekpini sekýndyna 15-20 metrge jetetin jel bir aı boıy jıi bolýy yqtımal. Ekinshi onkúndiktiń sońynda tuman túsýi múmkin.