Jeltoqsan oqıǵasyndaǵy jastardyń erligi búgingi jastarǵa úlgi bolyp qala bermek - Halyq qaharmany B.Ertaev
ALMATY. Naýryzdyń 19-y. QazAqparat / Ádilet Musahaev / - Búgin Almatydaǵy Abaı atyndaǵy ulttyq pedagogıkalyq ýnıversıtetinde Halyq qaharmany, general-leıtenant, Aýǵan soǵysynyń ardageri Baqytjan Ertaevtyń qatysýymen «Erlikke taǵzym - eldikke taǵzym» atty kesh ótti,
dep habarlaıdy QazAqparat.
Atalmysh ýnıversıtettiń rektory Serik Pirálıevtiń aıtýynsha, keshtiń negizgi maqsaty - stýdent jastarǵa patrıottyq tárbıe berý, týǵan eli men jerine degen qurmet sezimin arttyryp, el namysyn qorǵaǵan erlerdiń erlik jolyn úlgi etý.
Kezdesý barysynda B.Ertaıuly Aýǵan soǵysynda basynan ótkizgen tarıhı kezeńderge toqtala kele, búgingi jas urpaqtyń patrıottyq sezimin nyǵaıta túsý úshin atalmysh soǵystaǵy qazaq jaýyngerleriniń erligin aıtyp ótti.
Sonymen qatar, ol jastardyń patrıottyq rýhta tárbıe alyp kele jatqanyn aıtyp ótti. «Uly Otan soǵysyndaǵy Baýkeńder erligi sol kezdegi bizdiń patrıottyq sezimimizdi nyǵaıta tússe, aýǵan soǵysyndaǵy, jeltoqsan oqıǵasyndaǵy jastardyń erligi búgingi jastarǵa úlgi bolyp qala bermek», deıdi Halyq qaharmany.
