Jeltoqsan oqıǵasyna qatysýshylarǵa qurmet kórsetildi - Qyzylorda

QYZYLORDA. QazAqparat - Búgin Qazaly aýdanynyń ákimi Najmadın Shamuratov Jeltoqsan oqıǵasyna qatysqan qazalylyq azamattarmen kezdesip, syı-qurmet kórsetti, dep habarlady QazAqparat tilshisi aýdandyq ákimdikke silteme jasap.

 «Sizder Jeltoqsan oqıǵasynda qazaqtyń rýhy kúshti, ór, namysty halyq ekendigin aıdaı álemge tanyttyńyzdar. «Er esimi - el esinde» degendeı, Jeltoqsan oqıǵasyna qatysqan Qazalynyń sol kezdegi 17-18-degi órimdeı jastary, búgin kemel jasqa keldińizder. Ár salada qyzmet etip, el men jerdiń órkendeýine úles qosyp jatyrsyzdar»,-dedi aýdan ákimi.

Kezdesý barysynda Jeltoqsan oqıǵasyna qatysýshylar A.Qojaqova, U.Almatova, J.Nurmasheva, A.Mashaı jeltoqsandyqtarǵa aýdan basshylyǵynyń tarapynan kórsetilip jatqan qoldaýǵa rızashylyqtaryn bildirdi.