Jeltoqsan qurbany Sábıra Muhamedjanova 35 jyldan soń aqtaldy

ÓSKEMEN. QazAqparat – Jeltoqsan kóterilisiniń qurbany Sábıra Muhamedjanova 35 jyldan soń aqtalyp otyr, dep habarlaıdy QazAqparat tilshisi.

Shyǵys Qazaqstan oblystyq «JELTOQSAN-86» qoǵamdyq birlestiginiń tóraǵasy Marat Ramazanovtyń aıtýynsha, qaharman qyz Sábıra Muhamedjanovanyń aqtalǵany týraly resmı qujat keldi.

«Jeltoqsan kóterilisine qatysqan talaı qazaq jastary ómirimen qosh aıtysqan. Solardyń biri – Sábıra Muhamedjanova edi. 16 jasynda qaza bolǵan qaısar qyz osy ýaqytqa deıin aqtalmaı keldi. Áıteýir 35 jyldan keıin bul olqylyqtyń orny toldy. Osy oraıda Sábıranyń aqtalýynda «Jeltoqsan aqıqaty» respýblıkalyq qoǵamdyq birlestiginiń tóraǵasy Beısenbaı Saıfoldanyń eńbegi zor», - dedi ol.

Marat Ramazanovtyń sózinshe, Sábıra Muhamedjanovamen bir topta oqyǵan 28 qyz ben kýrstas 8 jigit te aqtalyp otyr.