Jeltoqsan aıynda ónerkásip kásiporyndarynyń iskerlik belsendiligi tómendegeni baıqaldy
ASTANA. 12 qańtar. QazAqparat /Qanat Mámetqazyuly/ - 2011 jyly jeltoqsandaǵy zerttelgen ónerkásip kásiporyndarynyń iskerlik belsendiligi ótken aımen salystyrǵanda tómendedi.
Atap aıtqanda, kásipkerliktiń senimdilik ındeksi 5 paıyzdyq tarmaqqa kemip, (+5) paıyzdy qurady. Bul týraly Statıstıka agenttiginiń baspasóz qyzmetinen habarlandy.
Agenttin málimetine qaraǵanda, zerttelgen ónerkásip kásiporyndarynyń basshylary daıyn ónim qorlarynyń kemigendigin jáne óndiris kóleminiń azaıǵanyn atap ótken. Bul olardyń iskerlik belsendiliginiń nasharlaýyn aıǵaqtaıdy. Jaqyn aradaǵy keleshekte, 2012 jylǵy naýryzǵa deıin, kásiporyn basshylary kópshiliginiń baǵalaýy boıynsha, iskerlik belsendiliginiń ósýi kútiledi.
Budan bólek, 2011 jylǵy jeltoqsanda ótken aımen salystyrǵanda saýda kásiporyndarynyń iskerlik belsendiligi 2 paıyzdyq tarmaqqa azaıdy. Kásipkerlik senimdilik ındeksi (+4) paıyzdy qurady.
Al taǵy bir zertteýler boıynsha 2012 jylǵy naýryzǵa deıin aǵymdaǵy ýaqytpen salystyrǵanda, kásiporyndar óziniń qarjylyq-sharýashylyq qyzmetine qatysty (66) paıyz ózgerissiz qalatynyn, (17) paıyz jaqsarýyn jáne (14) paıyz kásiporyn óziniń qarjylyq-sharýashylyq qyzmetiniń nasharlaıtyndyǵyn kútedi.
