Jeltoqsan aıynda qurylys salasyndaǵy baǵalar ósim kórsetti
ASTANA. 10 qańtar. QazAqparat - 2010 jylǵy jeltoqsanda ótken jyldyń jeltoqsan aıymen salystyrǵanda baǵalar qurylys-montaj jumystaryna- 2,9,
mashınalar men jabdyqtarǵa - 7,7, ózge de jumystar men shyǵyndarǵa 3,6 paıyzǵa ósti. Bul aqparatty QR Statıstıka agenttiginiń baspasóz qyzmetinen habarlady.
Vedomstvonyń atap ótýinshe, jyl ishinde qurylys uıymdary satyp alǵan materıaldar, bólshekter jáne konstrýktsııalar 0,1 paıyzǵa qymbattaǵan. Tabaq bolat - 8,1, terezege arnalǵan tabaqty shyny - 5,9, quıma shoıynnan jasalǵan vannalar - 5,1, mıneraldy maqtadan jasalǵan taqtalar - 4,6, ǵanysh (gıps) - 4,4%, qyshtan jasalǵan qurylystyq otqa tózimsiz kirpishter - 2,3, munaı qurylystyq bıtým 2,2 paıyzǵa ósim kórsetken.
Al propılen qubyrlar -13,1, plastmassadan jasalǵan terezeler men tereze qoraptary - 2,1, ózge de qurylystyq qum - 1,6, ortalyqtan jylytýǵa arnalǵan radıatorlar 0,6 paıyzǵa arzandady.
