Jeltoqsan aıynda kúnkóristiń eń tómengi deńgeıi 18 774 teńgeni qurady
ASTANA. QazAqparat - Ulttyq ekonomıka mınıstrligi Statıstıka komıtetiniń habarlaýynsha, 2014 jyldyń jeltoqsan aıynda elimizdegi kúnkóris deńgeıiniń shamasy 18 myń 774 teńgeni qurady.
Atap aıtqanda, negizgi tamaq ónimderin tutynýdyń eń tómengi normalarynan eseptelgen orta eseppen halyqtyń jan basyna shaqqandaǵy kúnkóristiń eń tómengi deńgeıiniń shamasy 2014 jylǵy jeltoqsanda ótken aımen salystyrǵanda 1,2 paıyzǵa ósken. Al bul kórsetkish 2013 jyldyń jeltoqsan aıymen salystyrǵanda 9,2 paıyzǵa artyq.
«Onyń qurylymynda et pen balyqty satyp alýǵa jumsalǵan shyǵystardyń úlesi 22,6%, sút, maı jáne toń maı ónimderi men jumyrtqany - 16,8%, jemister men kókónisterdi - 10,5%, nan jáne jarma ónimderin - 7,9%, qant, shaı jáne dámdeýishterdi 2,2%-dy qurady», - delingen baspasóz baıanynda.
