Jeltoqsan aıynda azyq-túlik baǵasy birshama tómendedi - A. Mamytbekov
ASTANA. 28 jeltoqsan. QazAqparat /Rýslan Ǵabbasov/ - Jeltoqsan aıynda azyq-túlik baǵasy birshama tómendedi. Bul týraly búgin bıylǵy 11 aıdyń qorytyndysyna arnalǵan Úkimet otyrysynda Aýyl sharýashylyǵy mınıstri Asyljan Mamytbekov málim etti.
«Jyl basynan beri ınflıatsııa 7 paıyz deńgeıinde qalyptasty, onyń ishinde qarasha aıynda 0,6 paıyzdy qurady. Bıylǵy jyldyń basynan azyq-túlik taýarlarynyń baǵalary 8,8 paıyzǵa ósti. Statıstıka agenttiginiń aldyn ala málimeti boıynsha aǵymdaǵy aıdyń 20 kúninde azyq-túlik baǵasy 0,4 paıyzǵa tómendedi», - dedi mınıstr.
Vedomstvo basshysynyń sózine qaraǵanda, jeltoqsanda qant - 7,7 paıyzǵa, qaraqumyq jarmasy - 5 paıyzǵa, pııaz - 2,6 paıyzǵa, un - 2,2 paıyzǵa, kartop - 1,9 paıyzǵa tómendedi. Al jyl saıynǵy maýsymdyq faktorlarǵa baılanysty sút (0,6 paıyz), qoı eti (0,6 paıyz), sıyr eti (1 paıyz), qyryqqabat (6,5 paıyz) baǵasy birshama ósti.
«Ákimdikterdiń aqparatyna sáıkes, 22 jeltoqsandaǵy jaǵdaı boıynsha Turaqtandyrý qorlaryna barlyǵy 109 myń tonna azyq-túlik, onyń ishinde 34 myń tonna kartop, 17 myń tonna pııaz, 8 myń tonna sábiz jáne basqa da azyq-túlik satyp alyndy», - dedi A. Mamytbekov.
