Jeltoqsan aıynda Astana - Dýshanbe jańa áýe baǵyty ashylady

ASTANA. QazAqparat - Qazaqstan men Tájikstan astanalary arasyna jańa áýe baǵyty ashylady, dep habarlaıdy QazAqparat QR IDM Azamattyq avıatsııa komıtetine silteme jasap.

Komıtettiń habarlaýynsha, 2018 jyldyń 14 jeltoqsanynan bastap, qazaqstandyq SCAT áýe kompanııasy Astanadan Dýshanbege jańa reıs ashýdy josparlap otyr.
«Jańa reıske eki eldiń avıatsııalyq bılik organdarynyń, SCAT saýda-ekonomıkalyq yntymaqtastyq jónindegi úkimetaralyq komıssııalarynyń jáne ekijaqty kelissózder aıasynda júrgizilgen jumystardyń nátıjesinde qol jetkizildi. Jańa reıstiń ashylýy Qazaqstan men Tájikstan arasyndaǵy tatý kórshilik qatynastardy damytýǵa eleýli úles qosatyn bolady», - delingen habarlamada.

Astana - Dýshanbe - Astana baǵyty boıynsha CRJ-200 tıpti ushaǵy aptasyna eki ret, juma jáne jeksenbi kúnderi qatynaıdy.
Bul baǵyttaǵy áýe bıletteriniń satylymy bastaldy. Bıletterdi áýe kompanııasynyń saıtynan nemese áýe bıletterin satý agenttikterinen alýǵa bolady.