Jeltoqsan aıynda 20 myń teńgelik jańa banknot aınalymǵa shyǵady - QR Ulttyq bankiniń tóraǵasy
ALMATY. 15 qarasha. QazAqparat - 20 myń teńgelik jańa banknot Grıgorıı Marchenkonyń qolymen shyǵatyn boldy. Bul týraly QR Ulttyq bankiniń tóraǵasy Qaırat Kelimbetov búgin Almatyda ulttyq valıýta - teńgeniń 20 jyldyǵyna arnalǵan halyqaralyq konferentsııada aıtty.
«Jańadan shyǵatyn ár banknot 7-8 aı buryn daıyndalady. Al 20 myń teńgelik jańa banknot týraly burynǵy tóraǵa QR Prezıdentine jarty jyl buryn baıandaǵan bolatyn. Qazir ony jalǵastyryp jatyrmyz, ol jeltoqsan aıynda shyǵatyn bolady», - dedi Q.Kelimbetov. Bas bankırdiń aıtýynsha, banknottar kem degende tek kelesi jyldyń ekinshi jartysynan keıin ǵana shyǵýy múmkin. Jalpy jańa banknotanyń shyǵýy teńge baǵamyna áser etpeıdi. Odan astar izdep, teńge devalvatsııasy týraly alypqashty áńgimege senýge esh negiz joq. 20 myńdyq banknottyń taralymy shekteýli bolady. Ol týraly tolyq aqparat sol kezde aıtylatyn bolady.
