Jeltoqsan aıynan bastap jańa úlgidegi jeke kýálikter berile bastaıdy - QR ІІM
ASTANA. QazAqparat - Elimizde jeltoqsan aıynan bastap jańa úlgidegi jeke kýálikter berile bastaıdy. Bul týraly búgin Májiliste Qylmystyq-atqarý júıesindegi máselelerge arnalǵan Úkimet saǵatynda QR Іshki ister mınıstri Qalmuhanbet Qasymov málim etti.
Toqtala ketetin jaıt, depýtattar tarapynan jeke kýálikterge qatysty birshama syn aıtylyp, ondaǵy fotosýrettiń kúńgirttenip turatynyna eskertý jasalǵan. Buǵan mınıstr tolyq kelisetinin jetkizdi.
«Bizdiń jeke kýálikterimizdegi fotosýretti túrli-tústi ári anyq etip shyǵarý týraly eskertý aıttyńyzdar. Biz jyl boıy osy problemamen jumys istedik. Kerekti jabdyqtardy da satyp aldyq. Jeke kýáliktiń qajetti tusyna ózgerister engizip, jańasyn ázirlep shyqtyq. Ol jańa kýálik aǵymdaǵy jyldyń 1 jeltoqsanynan bastap berile bastaıdy. Onda túrli-tústi foto, golografıkalyq fotografııa bar, ıaǵnı kýáliktiń qorǵanysy joǵary bolady. Bir sózben aıtqanda, jańa, túrli-tústi sýretpen shyǵatyn kýálikti bizdiń azamattar 1 jeltoqsannan ala bastaıdy», - dedi mınıstr Qasymov.
Onyń sózine qaraǵanda, jańa kýálikte elimizdiń Týy men Eltańbasy, kartasy da ornalastyrylǵan. Mınıstrdiń aıtýynsha, jańa kýáliktiń nusqasy barlyq memlekettik organdar arasynda talqylanyp, kelisilgen.
