Jeltoqsan aıynan bastap beriletin jeke kýálik qandaı bolmaq? - FOTO
ASTANA. QazAqparat - 2014 jylǵy 23 qazanda «Qazaqstan Respýblıkasy azamaty pasportynyń, Qazaqstan Respýblıkasy azamaty jeke kýáliginiń, sheteldiktiń Qazaqstan Respýblıkasynda turýyna yqtııarhattyń, azamattyǵy joq adamnyń kýáliginiń, bosqyn kýáliginiń úlgilerin jáne olardy qorǵaýǵa qoıylatyn talaptardy bekitý týraly» Qazaqstan Respýblıkasy Úkimetiniń 2013 jylǵy 4 shildedegi № 684 qaýlysyna ózgerister engizý týraly» Qazaqstan Respýblıkasy Úkimetiniń № 1133 qaýlysymen ıesiniń túrli-tústi fotosýretimen Qazaqstan Respýblıkasy azamatynyń jeke kýáliginiń úlgisi bekitilip, 2014 jylǵy 1 jeltoqsannan bastap jańa úlgidegi jeke kýálikterdiń shyǵarylýy josparlandy, dep habarlaıdy KR ІІM baspasóz qyzmeti.
Qazaqstan Respýblıkasy azamatynyń jańa jeke kýáliginiń dızaıny ózgertilip, qara-aq tústi fotosýret túrli-tústi fotosýretke almastyrylyp, qujattyń tús gammasy, ashyqtyǵy jáne anyqtyǵy jaqsardy.
Jeke kýálikti jasandy jasaýdan qorǵaýdyń barlyq deńgeıleri saqtala otyryp, jańa elementtermen tolyqtyrylǵan.
Atap aıtqanda, qujatty qorǵaýdyń qosymsha elementi engizildi: jeke kýáliktiń betki jaǵynyń oń jaǵynda kishireıtilgen túrde qujat ıesiniń golografııalyq sýreti ornalasqan, bul jeke kýálikterdi jasandy jasaýdan qorǵaýdyń eń joǵarǵy deńgeıin kórsetedi.
«Qazaqstan Respýblıkasy azamatynyń pasportynyń, Qazaqstan Respýblıkasy azamatynyń jeke kýáliginiń, sheteldiktiń Qazaqstan Respýblıkasynda turýyna yqtııarhattyń, azamattyǵy joq adamnyń kýáliginiń, bosqyn kýáliginiń úlgilerin jáne olardy qorǵaýǵa qoıylatyn talaptardy bekitý týraly» Qazaqstan Respýblıkasy Úkimetiniń 2013 jylǵy 4 shildedegi № 684 qaýlysynyń 2-tarmaǵyna sáıkes, osy qaýly qoldanysqa engizilgen kúnge deıin ázirlengen eski úlgidegi Qazaqstan Respýblıkasy azamattarynyń jeke kýálikteri, olardyń qoldanys merzimi aıaqtalǵan merzimge deıin jaramdy bolyp tabylady.
Osylaısha, túrli-tústi fotosýretpen jeke kýálikterge aýystyrý azamattardyń qalaýy boıynsha júzege asyrylatyn bolady.
Jańa jeke kýálikti berý úshin memlekettik baj salyǵy burynǵydaı aılyq eseptik kórsetkishtiń 20 paıyzy kóleminde, qazirgi ýaqytta 370,4 teńgeni quraıdy.
