Jeltoqsan aıynda respýblıkalyq teatrlar 53 myńǵa jýyq kórermen qabyldady
Respýblıkalyq teatrlar Jańa jyldyq mereke aıasynda 141 shara ótkizip, 53 myńǵa jýyq kórermendi, onyń ishinde qaıyrymdylyq negizde 3,8 myń kórermendi tegin qamtydy. Kazinform bul týraly Mádenıet jáne aqparat mınıstrliginiń baspasóz qyzmetine silteme jasap habarlaıdy.
M.Áýezov atyndaǵy Qazaq Ulttyq drama teatry jańa jyl qarsańynda 2023 jyldyń 28-29 jeltoqsan kúnderi «Kontrabas. Jalǵyzdyq. Jańa jyl túni» mono dramasynyń premerasy 2 ret kórsetilip, 1 424 kórermenniń nazaryna usynyldy.
Ǵ.Músirepov atyndaǵy Qazaq memlekettik akademııalyq balalar men jsóspirimder teatrynda 22 jeltoqsan men 3 qańtar aralyǵynda balalarǵa arnalǵan «Aıaz atanyń sıqyrly tsırki» atty jańa jyldyq qoıylym men merekelik shyrsha baǵdarlamasy 31 ret kórsetilip, oǵan 9 300 bala qatysty.
Natalııa Sats atyndaǵy balalar men jasóspirimderge arnalǵan memlekettik akademııalyq orys teatrynda 20-30 jeltoqsan aralyǵynda «Jańa jyldyq kaleıdoskopy» atty 31 spektakl kórsetildi, onyń ishinde «Sats Social Day» áleýmettik jobasy aıasynda 4 qaıyrymdylyq spektakl kórsetildi.
Mıhaıl Lermontov atyndaǵy Ulttyq orys drama teatrynda 22-30 jeltoqsan aralyǵynda «Plamennoe serdtse», «Zdravstvýı, Gerda, Novyı god» qoıylymdary 26 ret kórsetilip, 13 myńnań astam kórermendi qabyldandy.
«Astana Opera» memlekettik opera jáne balet teatrynda prezıdenttik shyrshaǵa qatysqan balalar «Zolýshka» qoıylymyn tegin tamashalady. Sonymen qatar 3 myńnań astam kórermen «Astana Opera» teatrynyń balalar balet stýdııasynyń «Novogodnee konfettı» kontserti men S.Prokofevtiń «Zolýshka» baletin tamashalaı aldy.
Abaı atyndaǵy Qazaq ulttyq opera jáne balet teatry jańa jyldyq mereke aıasynda «Letýchaıa mysh» operettasy, «Şelkýnchık» baleti, «Zolýshka» operasy sııaqty 7 qoıylymdy 5 myńǵa jýyq kórermen tamashalady.
«Astana Balet» teatrynda «Şelkýnchık» baletin 3 myńǵa jýyq kórermen kórdi.
Qalıbek Qýanyshbaev atyndaǵy Memlekettik akademııalyq qazaq mýzykalyq drama teatrynda Jańa jyldyq mereke qarsańynda kórermen nazaryna Q.Jıenbaıdyń «Patsha kóńilim, ne deısiń?» komedııasy usynyldy. Eki kún ishinde qoylymdy 1 200 adam tamashalap úlgerdi.
