«Jelqýar» ótkizý pýnkti ýaqytsha jabyldy

QOSTANAI. KAZINFORM – Qostanaı oblysynda «Jelqýar» avtomobıl ótkizý pýnkti arqyly qozǵalys ýaqytsha toqtatyldy.

Oblystyq Memlekettik kirister departamentiniń málimetinshe, qolaısyz aýa raıy men Jelqýar ózeniniń tasýyna baılanysty 2026 jylǵy 27 naýryz saǵat 22:00-den bastap adamdardyń, kólik quraldarynyń jáne júk tasymalynyń ótýine shekteý engizildi.

Shekteý Qazaqstan aýmaǵyndaǵy «Jelqýar» ótkizý pýnktine jáne oǵan irgeles Reseıdegi «Marıınskıı» beketine qatysty.

Vedomstvo bul sharalardyń ýaqytsha ekenin, jaǵdaı turaqtalǵannan keıin qozǵalys qaıta jandanatynyn málimdedi.

Buǵan deıin Jitiqara aýdanynda jol ústin sý shaıýýyna baılanysty kólik qozǵalysy shektelgeni habarlanǵan bolatyn.